1.09c
Երեվան
կրկ, դկտ 22
Իրավիճակը Քուրսքի շրջանին մէջ կը շարունակէ վատթարանալ. վերջի ժամերու ընթացքին քանի մը հաստատումներ ստացուած են Սուճայի վրայ ուքրանական կազմաւորումներու առնուազն մասնակի վերահսկողութեան, ինչպէս նաեւ մինչեւ Քորենեւոյի սահմանները հակառակորդի զրահախումբերու առաջխաղացման մասին, գրած է «Рыбарь»-ի թելեգրամեան ալիքը։
Ըստ աղբիւրի՝ Ուքրանիոյ զինուած ուժերու ստորաբաժանումները մտած են Սուճայի արեւմտեան արուարձաններ։ Հարթավայրի մէջ տեղակայուած բնակավայրի կեդրոնը «գորշ գօտի մէջ» է։ Ռուսական զօրքերը վերահսկողութիւն կը պահպանեն քաղաքի արեւելեան հատուածի բարձունքներուն վրայ։
«Միեւնոյն ժամանակ, ուքրանական կազմաւորումները առաջ շարժած են Սուճայէն հարաւ. այս տարածքին մէջ հաստատուած է Ուքրանիոյ զինուած ուժերու գրաւումը Կորնալ, Կուեւօ եւ Քուրիլովքա բնակավայրերու մէջ։ Ռուսական անօդաչու թռչող սարքերը կ՚իրականացնեն տարածքի հետախուզում եւ թիրախային նշումներ՝ յայտնաբերուած հակառակորդի դիրքերը կրակով ոչնչացնելու նպատակով, իսկ ցամաքային զօրքերու ստորաբաժանումները, սահմանապահները եւ ռուսական ջոկատներու ստորաբաժանումները հակագրոհ կը ձեռնարկեն»,- գրած է «Рыбарь»-ը։
Թելեկրամեան ալիքի տուեալներով՝ ուքրանական կազմաւորումները միաժամանակ ընդլայնած են վերահսկողութեան գօտին հիւսիսարեւմտեան հատուածին մէջ։ Գրաւուած են Լեոնիտովօ եւ Լիւպիմովքա գիւղերը։
Միաժամանակ ռուսական զօրքերը հակայարձակման փորձ ձեռնարկած են մօտակայ Զելենի Շլեախ գիւղի ուղղութեամբ, սակայն գիւղը չեն կրցած ազատագրել։
