19.05c
Երեվան
հնգ, հնս 18
Արցախեան 44-օրեայ պատերազմին զոհուած զինուորներու ծնողները այսօր վաղ առաւօտէն ՀՀ Քննչական կոմիտէի դիմաց էին:
5 օր առաջ զինուորներուն ծնողները ինքնաբացարկի միջնորդութիւն ներկայացուցած էին, դիմած էին ՀՀ Քննչական կոմիտէի նախագահ Արգիշտի Քեարամեանին եւ հանդիպում պահանջած:
ՀՀ Քննչական կոմիտէի Յատկապէս կարեւոր գործերու քննութեան վարչութեան պետ Ռաֆայէլ Վարդանեան ծնողներուն յայտնեց, որ Արգիշտի Քեարամեանի եւ ծնողներու միջեւ հանդիպումը այսօր չի կրնար կայանալ, քանի որ Քեարամեանը ներկայ չէ:
«Լրացուցիչ հանդիպման հետ կապուած օր, ժամ կը պայմանաւորուենք: ՔԿ-ում տեղեակ չէին, որ ծնողները պէտք է գային, դրա մասին իմացել են այն ժամանակ, երբ եկել էք այստեղ: Պարոն Քեարամեանը երբեք ոչ մի հանդիպում չի մերժել ծնողների հետ, հեռագայ հանդիպման համար կը պայմանաւորուենք ձեզ հետ», ըսաւ Ռաֆայէլ Վարդանեանը:
Ծնողներու հարցին, թէ պտի կատարուի՞ Փաշինեանի հարցաքննութիւն, թէ՞ ոչ, ՔԿ պաշտօնեան պատասխանեց․
«Այո՛, հարցաքննուելու է, դատախազի կողմից կայ ցուցում», յայտնեց ՔԿ պաշտօնեան:
