33.09c
Երեվան
հնգ, օգս 20
Վարչապետ Նիկոլ Փաշինեան հեռախօսազրոյց ունեցած է Եւրոպական խորհուրդի նախագահ Շառլ Միշելի հետ։ Այս մասին յայտնած են ՀՀ վարչապետի աշխատակազմէն։
Միտքեր փոխանակուած են տարածաշրջանին մէջ հաստատուած ռազմաքաղաքական եւ մարդասիրական իրադրութեան շուրջ:
Վարչապետ Փաշինեանն ընդգծած է, որ Լաչինի միջանցքին մէջ ատրպէյճանական կողմի քայլերը միտուած են Լեռնային Ղարաբաղի մէջ էթնիք զտումներ իրականացնելու եւ Լեռնային Ղարաբաղն ամբողջութեամբ հայաթափելու իր քաղաքականութեան հետեւողական իրագործման։ Վարչապետը շեշտած է Ատրպէյճանի կողմէ տարածաշրջանային անվտանգութիւնը խարխլող գործողութիւններուն միջազգային հանրութեան համարժէք արձագանգի կարեւորութիւնը եւ գործուն քայլերու ձեռնարկումը՝ Արդարադատութեան միջազգային դատարանի վճռի անվերապահ կատարման ուղղութեամբ:
Միտքեր փոխանակուած են նաեւ Հայաստան-Ատրպէյճան բանակցային գործընթացի շուրջ։
Կողմերը կարեւորած են տարածաշրջանին մէջ կայունութեան ու խաղաղութեան ապահովման ուղղութեամբ հետեւողական ջանքերը:
