image

Պաքու կը շարունակէ անտեսել միջազգային հանրութեան կոչերը եւ դատել հայ գերիները

Պաքու կը  շարունակէ անտեսել միջազգային հանրութեան կոչերը եւ դատել  հայ գերիները

 

Խախտելով բոլոր պայմանաւորուածութիւններն ու պարտաւորութիւնները` Պաքուն կը շարունակէ դատել գերեվարուած հայերը: Ատրպէյճանական լրատուամիջոցներու փոխանցմամբ՝ 16 Յունիսին, Պաքուի ռազմական դատարանը շարունակած է Լիւտվիկ Մկրտչեանի եւ Ալիոշա Խոսրովեանի դէմ յարուցուած քրէական գործով դատավարութիւնը: Երկուքն ալ ներկայացուած են որպէս «զինեալներ» եւ կը մեղադրուին տարբեր յանցագործութիւններու մէջ:

 

Հարցն այն է, որ Պաքուն իր առջեւ խնդիր դրած է դատել ղարաբաղեան առաջին պատերազմի բոլոր մասնակիցները` խոշտանգումներ, գերի ինկած ատրպէյճանցիներու նկատմամբ անմարդկային վերաբերմունք եւ նմանատիպ նողկալիութիւններ վերագրելով անոնց: Առանց որեւէ ապացոյցի` Ատրպէյճանի իշխանութիւնները պարզապէս հաշուեյարդար կը տեսնեն գերեվարուած հայերու նկատմամբ: