Պաղտատ. Ամերիկեան դիրքեր գրոհի ենթարկուած

  Պաղտատ. Ամերիկեան դիրքեր  գրոհի ենթարկուած

«Քաթիոշեա» տիպի 4  հրթիռներ ինկած են Պաղտատի  օդակայանի կից գտնուող  ամերիկեան ապահովական կեդրոնին վրայ։ 

 

 Այս մասին «Արեւելք» տեղեկացաւ «Ալ Մայատին» կայքէն։ Աղբիւրը նաեւ կը նշէ, որ հրթիռները ինկած են «Վիքթորիա»  ռազմակայանին մօտ եւ ցարդ ոչ մէկ տեղեկութիւն կայ առկայ վնասներուն մասին։

 

 Նոյն աղբիւրը նշած է, որ աւելի վաղ  երկու անօդաչու թռչող սարքեր (ԱԹՍ)  գրոհներ գործած էին Պաղտատի օդակայանի շրջակայքը գտնուող  ամերիկեան զօարակայանին ուղղութեամբ։

 

Չի բացառուիր, որ այս գրոհները կը կատարուին յիշատակելու համար  Իրանցի զօրահրամանատար Զօր. Քասէմ Սուլայմանիի սպանութեան  երկրորդ տարելիցի օրերուն, սակայն մինչեւ այս պահը ոչ մէկ կողմ ստանձնած է դէպքերուն պատասխանատւութիւնը։