21.09c
Երեվան
երկ, հկտ 03
Սէուտական Արաբիոյ մէջ ԱՄՆ դեսպանի պաշտօնին նախագահ Ճօ Պայտընի առաջադրած թեկնածուն ամենայն հաւանականութեամբ, հիասթափութիւն կամ նոյնիսկ վիրաւորանք պիտի ըլլայ գահաժառանգ արքայազն Մոհամմատ պըն Սալմանի համար, կը գրէ Insider-ը` վկայակոչելով ամերիկացի նախկին պաշտօնեան:
Պայտընը այդ պաշտօնին առաջադրած է Մայքըլ Ռեթնին, երբ անցեալ տարի Ռիատէն հեռացաւ ԱՄՆ Կեդրոնական հրամանատարութեան նախկին ղեկավար, զօրավար Ճոն Ապիզէյտը:
Առաջադրումը տեղի կ'ունենայ ամերիկա-սէուտական յարաբերութիւններու ամենաթէժ պահին, երբ Պայտընը ակնյայտօրէն հեռաւորութիւն կը պահէ այդ երկրի հետ, իսկ թագաժառանգ արքայազն Մոհամմատը, ի պատասխան, կը փորձէ պատժել զայն:
ԱՄՆ-ի մէջ Սէուտական Արաբիոյ դեսպանի պաշտօնը յաճախ զբաղեցուցած են այնպիսի առաջատար դէմքեր, ինչպիսիք են Խալէտ Պըն Սալմանը` Մոհամմատի եղբայրը եւ արքայադուստր, ներկայիս դեսպան Ռիմա պինթ Պանտարը` Մոհամմատիի զարմիկը: Ռիատ նոյնպիսի մակարդակ կ'ակնկալէ:
