14.09c
Երեվան
երք, ապր 29
Նախիջեւանը «Ատրպէյճանի պատմական տարածքն է», որ աւելի քան մէկ դար անջատուած է Ատրպէյճանի հիմնական մասէն եւ չունի ցամաքային կապ՝ խորհրդային վարչակազմի կողմէ «Արեւմտեան Զանգեզուրը» (նկատի ունի ՀՀ Սիւնիքի մարզը) Ատրպէյճանէն անջատելու եւ Հայաստանին փոխանցելու պատճառով։ Այս մասին Թուրքիոյ մէջ յայտարարած է Ատրպէյճանի նախագահ Իլհամ Ալիեւը:
Անոր խօսքով՝ սա լուրջ «անարդարութիւն» է:
«Ղարաբաղեան առաջին պատերազմի ժամանակ Հայաստանը շրջափակած էր Նախիջեւանը։ Հայերը կ՚ուզէին բռնագրաւեել Նախիջեւանը, ինչպէս ըրին Ղարաբաղի պարագային: Հայրս՝ Հէյտար Ալիեւը, որ այն ժամանակ Նախիջեւանի ղեկավարն էր, այդ մէկը թոյլ չտուաւ։ Նախիջեւանը չգրաւելու պատճառներէն մէկը Նախիջեւանի եւ Թուրքիոյ միջեւ Յոյսի կամուրջի կառուցումն էր։ Թուրքիոյ օգնութիւնը նշանակալի ներդրում ունեցած է Նախիջեւանի անվտանգութեան գործին մէջ», -ըսած է Ալիեւ։
Նախիջեւանը Հայաստանի առաջին հանրապետութեան մաս եղած է։ Սակայն 1921-ի մարտ 16-ին Խորհրդային Ռուսիան եւ Թուրքիան Մոսկուայի մէջ կնքած են պայմանագիր, ըստ որու՝ Նախիջեւանը յանձնուած է Խորհրդային Ատրպէյճանին։ Այժմ Նախիջեւանը հայաթափուած է եւ բռնակցուած Ատրպէյճանի Հանրապետութեան։
