5.09c
Երեվան
կրկ, մրտ 15
Մոսկուան Երեւանին եւ Պաքուին կոչ կ՚ընէ առաւելագոյն զսպուածութիւն ցուցաբերելու եւ նուազեցնելու ռազմատենչ հռետորաբանութիւնը։ Այս մասին ապրիլ 10-ին կայացած ճեպազրոյցի ժամանակ յայտարարած է Ռուսիոյ ԱԳՆ պաշտօնական ներկայացուցիչ Մարիա Զախարովան՝ անդրադառնալով հայ-ատրպէյճանական սահմանին տիրող իրավիճակին։
«Պաքուի եւ Երեւանի միջեւ բոլոր տարածքային վէճերն ու փոխադարձ պահանջները պէտք է կարգաւորուին քաղաքական-դիւանագիտական մեթոտներով»,-ըսած է ան։
Զախարովայի խօսքով՝ Ռուսիան պատրաստ է աջակցելու կողմերուն լուծումներ գտնելու, այդ շարքին՝ հայ-ատրպէյճանական սահմանազատման հարցով։
Ըստ անոր՝ տարածաշրջանին մէջ կայուն խաղաղութիւն հաստատելու համար անհրաժեշտ բոլոր մեխանիզմները կան: Այս ծիրէն ներս Զախարովան յիշեցուցած է Ռուսիոյ, Հայաստանի եւ Ատրպէյճանի ղեկավարներու եռակողմ պայմանաւորուածութիւններու մասին:
