20.09c
Երեվան
շբթ, հլս 27
86 տարեկանին մահացած է Քուէյթի էմիր Նաուաֆ ալ-Ահմետ ալ-Ճապէր ալ-Սապահը: Քուէյթի պետական հեռուստատեսութեան եթերին այդ մասին յայտնած է էմիրի գրասենեակի հարցերով նախարար Մոհամմետ Ապտալլա ալ-Մուպարաք ալ-Սապահը:
«Մենք կը սգանք շաբաթ օրը կեանքէն հեռացած Էմիր Նաուաֆ ալ-Ահմետ ալ-Ճապէր ալ-Սապահի մահը»,- ըսած է նախարարը:
Նոյեմբերի վերջը լուր տարածուած էր, որ էմիրը տեղափոխուած էր հիւանդանոց առողջական խնդիրներու պատճառով:
Նաուաֆ ալ-Ահմետ ալ-Ճապէր ալ-Սապահը ծնած է 1937 թուականի յունիս 25-ին, Քուէյթի մէջ։ Ան շէյխ Ահմետ ալ-Սապահի՝ Քուէյթի տասներորդ էմիր Ահմետ առաջինի վեցերորդ որդին էր եւ գահը կը զբաղցնէր 2020 թուականի սեպտեմբերէն։ Անոր մահէն ետք իշխանութիւնը պիտի փոխանցուի կրտսեր եղբօրը՝ 83-ամեայ Միշաալ ալ-Ահմետ ալ-Ճապէր ալ-Սապահին։
