Լիբանանի վարչապետը կը շարունակէ մնալ լաւատես

Լիբանանի վարչապետը  կը շարունակէ մնալ լաւատես

Վարչապետի պաշտօնակատար Նեժիպ Միքաթի երէկ ընդունեց վարչապետարանի պաշտօնեաները, որոնց հետ հանդիպումին ընթացքին մաղթեց, որ Նոր տարին ըլլայ Լիբանանի դիմագրաւած տագնապի լուծման սկիզբը, ըլլայ տարի մը, որուն ընթացքին բարի կամեցողութեան հիման վրայ շարք մը հարցեր եւ թղթածրարներ կը լուծուին, ինչպէս նաեւ երկիրը մուտք կը գործէ հարցերու լուծման հուն:

Միքաթի շեշտեց, որ Լիբանան իր պատմութեան ընթացքին մեծ դժուարութիւններ եւ խիստ պայմաններ դիմագրաւած է, սակայն ան միշտ ոտքի կանգնած է եւ նոր մեկնարկով շարունակած: «Այդ սկիզբը դժուար չէ, եւ կը մաղթեմ, որ Լիբանանի վերականգնումին հանդէպ յոյսով մնանք», ըսաւ ան` աւելցնելով, որ իր պարտականութիւնները պիտի շարունակէ եւ արգելքներու ու խոչընդոտներու դիմաց պիտի չընկրկի:

Լուրը՝ «Ազդակ»էն