12.09c
Երեվան
հնգ, հկտ 29
Տանըլտ Թրամփ եւ Ռեճէպ Թայէպ Էրտողան հեռաձայնային զրոյց ունեցած են՝ քննարկելով երկկողմ յարաբերութիւնները, ինչպէս նաեւ տարածաշրջանային եւ միջազգային օրակարգի հարցեր։
Էրտողան յայտարարած է բոլոր ոլորտներուն մէջ թուրք-ամերիկեան գործակցութիւնը ամրապնդելու ուղղութեամբ աշխատանքները շարունակելու իր մտադրութեան մասին։ Ան նաեւ նշած է, որ Թուրքիա ուշադիր կը հետեւի Հորմուզի նեղուցին եւ Եմէնի մէջ, Մեքքայի պաշտպանական դաշինքի շրջագիծէն ներս, իրադարձութիւններու զարգացումներուն եւ կը պաշտպանէ խնդիրներու դիւանագիտական կարգաւորման տեսակէտը։
Թուրքիոյ նախագահը վերահաստատած է Անգարայի պատրաստակամութիւնը՝ աջակցելու Ռուսիոյ եւ Ուքրանիոյ միջեւ դիւանագիտական գործընթացը վերսկսելու ջանքերուն՝ պատերազմը դադրեցնելու նպատակով։
Թրամփ շնորհաւորած է Էրտողանն ու թուրք ժողովուրդը՝ Հանրապետութեան տօնին առիթով, ինչպէս նաեւ յաջողութիւն մաղթած Հոկտեմբեր 29-ին Անգարայի մէջ կայանալիք Թրքական պետութիւններու կազմակերպութեան գագաթնաժողովին։
