0.09c
Երեվան
հնգ, դկտ 26
ՀՅԴ Տեղեկատուական գրասենեակը հետեւեալ հաղորդագրութիւնը ուղարկած է լիբանանեան լրատուամիջոցներուն.
«ՀՅԴ Տեղեկատուական գրասենեակը խորին ցաւակցութիւն կը յայտնէ լիբանանեան մամլոյ եւ լրագրութեան մեծ ընտանիքին, որ յանուն իրականութեան եւ ճշմարտութեան խօսքին հերոսներ կորսնցուց իսրայէլեան յարաճուն բարբարոսութեան դիմաց:
Այս հերոսները նահատակուեցան, որպէսզի ապրի Լիբանանը, հաւատալով, որ ճշմարտութեան եւ արդարութեան ձայները օր մը պիտի յաղթանակեն համաշխարհային ամօթալի լռութեան եւ ընկճուած ու անիրաւուած ժողովուրդներու հաշուոյն մեծ պետութիւններու դաւադրութիւններուն:
Աստուած հոգիները լուսաւորէ մեր արդար նահատակներուն»:
