22.32c
Երեվան
չրք, հնս 17
Առատ ձիւնի պատճառով Վրաստանի Տարածաշրջանային զարգացման եւ ենթակառուցուածքներու նախարարութեան ճանապարհներու բաժինը որոշած է փակել դէպի Հայաստանի եւ Թուրքիոյ հետ սահմաններ տանող ճանապարհները կցորդով եւ կիսակցորդով մեքենաներու համար։ Այս մասին, ԹԱՍՍ-ի հաղորդմամբ, յայտնած է գերատեսչութեան մամուլի ծառայութիւնը։
«Առատ ձիւնի եւ մերկասառոյցի պատճառով Խաշուրի-Ախալցխա-Վալէ (Թուրքիոյ հետ սահման) եւ Ախալցխա - Նինոծմինդա (Հայաստանի հետ սահման) միջազգային ճանապարհներուն արգիլուած է կցորդներու եւ կիսակցորդներու շարժումը»,-ըսուած է հաղորդագրութեան մէջ։
Ճանապարհներու բաժնէն աւելցուցած են, որ 30 եւ աւելի մարդ տարողութեամբ փոխադրային միջոցներուն նոյնպէս կ՚արգիլուի երթեւեկել մայրուղիներով, իսկ միւս փոխադային միջոցներուն կը թոյլատրուի երթեւեկել մայրուղիներով։
