24.09c
Երեվան
կրկ, հնս 01
Կարմիր խաչի միջազգային կոմիտէի ներկայացուցիչները այցելած են Ատրպէյճանի մէջ գտնուող գերեվարուած եւ պատանդառուած հայերուն, ծանօթացած են անոնց պահման պայմաններուն, օգնած են կապ հաստատելու անոնց ընտանիքներու անդամներուն հետ:
Հայաստանի մէջ Կարմիր խաչի գրասենեակի ներկայացուցիչ Զառա Ամատունին յայտնած է, որ կոմիտէի ներկայացուցիչները պարբերաբար կը տեսակցին բոլոր այն անձերուն հետ, որոնց գերութեան փաստը պաշտօնապէս հաստատուած է: Պաքուն այս պահուն կը հաստատէ 40 անձի՝ Ատրպէյճանի մէջ գտնուելու հանգամանքը:
«Անձանց հնարաւորութիւն է տրուել փոխանակուել ընտանեկան բնոյթի տեղեկութիւններով, լուրերով, օգտագործուել են Կարմիր խաչի նամակներ, տեսաուղերձներ եւ հեռախօսազանգեր: Մենք չենք կարող հրապարակել այն մարդկանց թիւը, որոնց մենք տեսակցում ենք, բայց կարող եմ հաստատել, որ գերեվարման ողջ ընթացքում իւրաքանչիւր ընտանիքի հետ կապի մէջ ենք», յայտնած է Ամատունի:
