Իսրայէլցի փրկարարներ շտապ կերպով պիտի հեռանան Թուրքիայէն.Պատճա՞ռը

Իսրայէլցի փրկարարներ շտապ կերպով պիտի հեռանան Թուրքիայէն.Պատճա՞ռը

Իսրայէլեան որոնողափրկարարական «United Hatzalah» խումբը կը հեռանայ Թուրքիայէն՝ վեց օր այնտեղ մնալէ ետք՝ խումբի դէմ «անվտանգութեան զգալի սպառնալիքի» պատճառով, հաղորդած է CNN-ը՝ վկայակոչելով խումբի յայտարարութիւնը։

«United Hatzalah»-ի գործադիր տնօրէն Էլի Փոլաքը եւ գործնական գծով փոխնախագահ Տով Մէյզելը ըսած են, որ իրենք «հետախուզական տեղեկատւութիւն ստացած են իսրայէլեան պատուիրակութեան համար յստակ եւ անմիջական սպառնալիքի մասին, եւ մենք պէտք է առաջին հերթին դնենք մեր անձնակազմի անվտանգութիւնը»:

«Մենք գիտէինք, որ որոշակի մակարդակի վտանգ կայ մեր խումբը Թուրքիոյ այս տարածք ուղարկելու մէջ, որ մօտ է սուրիական սահմանին, սակայն մենք անհրաժեշտ քայլեր ձեռնարկած ենք՝ մեղմելու սպառնալիքը՝ յանուն կեանքեր փրկելու մեր առաքելութեան», -ըսած է Մէյզելը:

Որոշումը ընդունուած է «Իսրայէլի պաշտպանութեան ուժերու ղեկավարներու, ներքին ճակատի հրամանատարութեան եւ որոնողափրկարարական ստորաբաժանումներու հետ համատեղ գնահատումէն ետք, որ տեղի ունեցած է շաբաթ երեկոյեան», -ըսած են անոնք:

Խումբի մեկնման արագութեան եւ «անվճար օդանաւերու բացակայութեան» պատճառով ամերիկացի հանրապետական ​​հանգուցեալ Շելտոն Ատելսընի այրին՝ Միրիամ Ատելսընը, նուիրաբերած է իր անձնական օդանաւը՝ խումբը կիրակի օր Իսրայէլ վերադարձնելու համար:

Իսրայէլեան երկրորդ օգնութեան խումբը՝ IsraAID-ը, կը շարունակէ գործել Թուրքիոյ մէջ։

Յիշեցնենք, որ աւելի վաղ Աւստրիայէն եւ Գերմանիայէն ժամանած փրկարարական խումբերը ժամանակաւորապէս դադրեցուցած էին իրենց աշխատանքը Թուրքիոյ մէջ՝ յայտարարելով «անվտանգութեան ռիսքերու» եւ «անյայտ խումբերու» միջեւ բախումներու մասին։