image

Հուսիները յայտնած են ամերիկեան եւ իսրայէլեան նաւերու վրայ նոր յարձակումներու մասին

Հուսիները յայտնած են ամերիկեան եւ իսրայէլեան նաւերու վրայ նոր յարձակումներու մասին

Եմէնի հիւսայոն հատուծ իշխող «Անսար Ալլահ» (Հուսի) շարժումը յայտնած է Կարմիր եւ Արաբական ծովերուն մէջ ԱՄՆ եւ իսրայէլեան նաւերու դէմ երեք նոր գործողութեան մասին։

«Եմէնի ռազմածովային ուժերը անօդաչու սարքերով գործողութիւններ իրականացուցած են Կարմիր եւ Արաբական ծովերուն մէջ ԱՄՆ-ի թշնամական նաւերու դէմ եւ Ատենի ծոցին մէջ յարձակած են իսրայէլեան MSC Silver նաւուն վրայ՝ արձակելով հականաւային հրթիռներ։ Եմէնի ռազմաօդային ուժերը նաեւ անօդաչու սարքերով թիրախներ խոցած են բռնագրաւուած Պաղեստինի հարաւը գտնուող Ում ալ-Ռաշրաշի (Էյլաթ) մէջ», - ըսած է «Անսար Ալլահ»-ի ռազմական ներկայացուցիչ Եահիա Սարիան:

Ան ընդգծած է, որ այդ գործողութիւնները պատասխան են Կազայի հատուածին մէջ պաղեստինցիներու դէմ Իսրայէլի յարձակման եւ Եմէնի տարածքի վրայ ամերիկա-բրիտանական յարձակումներուն։

Եմէնի հիւսիսային հատուածը իշխող «Անսար Ալլահ» շարժումը, որ կը վերահսկէ Եմէնի Կարմիր ծովու ափերու մեծ մասը, աւելի վաղ նախազգուշացուցած էր Իսրայէլի հետ կապուած որեւէ նաւու վրայ յարձակելու իր մտադրութեան մասին՝ կոչ ընելով մյուս երկիրներուն այդ նաւերէն ետ կանչելու իրենց անձնակազմերը: Շարք մը նաւագնացային ընկերութիւններ որոշած են դադրեցնել փոխադրումները Կարմիր ծովով։

Հուսիները կ՚ըսեն, որ իրենց գործողութիւնները Կարմիր ծովուն մէջ ուղղուած են Կազայի հատուածին մէջ պաղեստինցիներուն օգնելուն: Անոնք կը պնդեն, որ իրենք չեն միջամտեր տարածաշրջանին մէջ նաւարկութեան ազատութեան: