Հուլուսի Աքարի օդանաւը պարտաւորուած վայրէջքի դիմեց

Հուլուսի Աքարի օդանաւը պարտաւորուած վայրէջքի դիմեց

Օդանաւը, որուն մէջ գտնուած է Թուրքիոյ պաշտպանութեան նախարարն ու այլ բարձրաստիճան զինուորականներ, հարուածելով թռչունի մը, հարկադրուած վայրէջք կատարած է: Հարուածի հետեւանքով օդանաւի դիմապակիին վրայ առաջացած է ճաք:

Պաշտպանութեան նախարար Հուլուսի Աքարը, ռազմական շտապի պետ զօրավար Եասար Կիւլերն ու ցամաքային զօրքերու հրամանատար զօրավար Ումիթ Տունտարը կը վերադառնային մայրաքաղաք Անգարա Կազիանթեպի ռազմական օդակայանէն, որ կը գտնուի Սուրիոյ սահմանի մերձակայքը, հաղորդած է Anadolu գործակալութիւնը:

Թռիչքէն կարճ ժամանակ անց Թուրքիոյ Օդուժի օդանաւը բախած է թռչունի մը, որու հետեւանքով վայրէջք կատարած է Ատանա քաղաքի մերձակայքը գտնուող մէկ այլ ռազմակայանի մէջ:

Վթարային վայրէջքի հետեւանքով տուժածներ չկան: