image
Հրատապ լուրեր:

Հոգեհանգիստ Թարմունի Պատրիարքի Վախճանման Քառասունքին Առթիւ

Հոգեհանգիստ   Թարմունի Պատրիարքի  Վախճանման  Քառասունքին Առթիւ

 Լիբանան-    Ի տէր  հանգեալ   Տ. Ներսէս- Պետրոս     Կաթողիկոս Պատրիարքի վախճանման   քառասունքին առթիւ,  երէկ      Պէյրութի Էշրէֆիյէ շրջանին մէջ գտնուող   Հայ կաթողիկէ պատրիարքարանի Սուրբ Կուսին Աւետման տաճարին մէջ տեղի ունեցած է  Սուրբ պատարագ եւ հոգեհանգստեան պաշտօն: Նշենք, որ    արարողութեան հանդիսպետած է Ամերիկայի Միացեալ Նահանգներու  Հայ  Կաթողիկէ նախկին  առաջնորդ Տ. Մանուէլ Եպս. Պաթաքեան: Յաւուր պատշաճի  խօսքով  հանդէս եկած է         Սուրբ Կուսին աւետման եկեղեցւոյ հոգեւոր հովիւ՝ Տ. Վարդան Վրդ. Գազանճեան:  Հայր Վարդան Վրդ. Գազանճեան    իր  խօսքին մէջ հանգամանօրէն անդրադարձած է    վախճանեալ Պատրիարք հօր  եկեղեցական կեանքի տարբեր հանգրուաններուն եւ  վեր առած    անոր ազգային- քրիստոնէական  բարձր արժանիքները:   Նշենք, որ   Պատրիարք հօր վախճանումէն ետք Հայ  Կաթողիկէ եպիսկոպոսական սիւնոդոսը, անցնող    Յուլիս      ամսուան  աւարտին           Զմմառու պատմակերտ վանքէն ներս   դռնփակ  նիստեր գումարելով   Տ. Գրիգոր- Պետրոս   Ի. Կապրոյեանը ընտրած էր,   որպէս Կաթողիկոս Պատրիարք   Հայ կաթողիկէ    պատրիարքական  աթոռին: