1.09c
Երեվան
շբթ, նմբ 22
Նիւ Հեմփշիր նահանգին մէջ հանրապետականներու նախնական ընտրութիւններուն (փրայմըրիզ) Տանըլտ Թրամփի յաղթանակէն ետք Միացեալ Նահանգներու նախագահ Ճօ Պայտընը յայտարարած է, որ 2024-ի նախագահական ընտրութիւններուն Հանրապետական կուսակցութեան թեկնածուն պիտի ըլլայ Թրամփը:
Ան այս մասին յայտնած է նախկին ղեկավարի՝ Այովա եւ Նիւ Հեմփշիր նահանգներու նախնական ընտրութիւններուն յաղթանակներէն ետք, գրած է dailymail.co.uk-ը:
«Հիմա ակնյայտ է, որ Տանըլտ Թրամփ պիտի ըլլայ Հանրապետականի թեկնածուն: Եւ իմ ուղերձը երկրին այն է, որ խաղադրոյքները չեն կրնար ասկէ աւելի բարձր ըլլալ: Մեր ժողովրդավարութիւնը, մեր անձնական ազատութիւնները՝ ընտրութեան իրաւունքէն մինչեւ ընտրելու իրաւունք... բոլորը վտանգուած են», -ըսուած է Պայտընի յայտարարութեան մէջ:
Միացեալ Նահանգներու յաջորդ նախագահական ընտրութիւնները տեղի պիտի ունենան 2024 թուականի նոյեմբերին։ Թրամփն ու ՄԱԿ-ի մէջ Միացեալ Նահանգներու նախկին դեսպան Նիքի Հէյլին կը պայքարին ընտրութիւններուն Հանրապետական կուսակցութեան թեկնածուն դառնալու համար։
