20.09c
Երեվան
հնգ, հկտ 09
Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, օրերս, Ազգ. Առաջնորդարանէն ներս հիւրընկալած է ՀՀ Հալէպի Գլխաւոր Հիւպատոսի պարտականութիւնները կատարող Բաբգէն Պատալեանը:
Այս մասին «Արեւելք» իմացաւ Բերիոյ Հայոց Թեմի դիմատետրի պաշտօնական էջէն։
Ստորեւ կատարուած լրատւութիւնը՝
Հինգշաբթի, 25 Սեպտեմբեր 2025-ի առաւօտուն, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, Ազգ. Առաջնորդարանէն ներս հիւրընկալեց ՀՀ Հալէպի Գլխաւոր Հիւպատոսի պարտականութիւնները կատարող Բաբգէն Պատալեանը: Հանդիպումին ներկայ գտնուեցան նաեւ Հոգշ. Տ. Մանուկ Վրդ. Պարիխանեան եւ Ազգ. Վարչութեան ատենապետ Ժիրայր Րէիսեան:
Ջերմ մթնոլորտի մէջ ընթացող հանդիպումին կարծիքներու փոխանակում կատարուեցաւ: Սրբազան Հայրը, իր հայրական օրհնութիւնները փոխանցելով, յաջողութիւն եւ բարի ծառայութիւն մաղթեց պարոն Բաբգէնին:
