26.4c
Երեվան
չրք, հլս 01
ՀՀ բարձր տեխնոլոգիական (արհեստագիտական) արդիւնաբերութեան նախարարութիւնը եւ «Ամազոն Ուէպ Սերվիսը» (Amazon Web Services (AWS)) փոխըմբռնման յուշագիր ստորագրած են։ Այս մասին յայտնած է ՀՀ բարձր արհեստագիտական արդիւնաբերութեան նախարարութեան մամուլի ծառայութիւնը։
Նպատակը Հայաստանի պետական եւ մասնաւոր հատուածներու մէջ արհեստագիտական ենթակառուցուածքն արդիականացնելն ու ամպային ծառայութիւններու ներդրումն արագացնելն է։
«Ամպային հաշուողականութեան համաշխարհային առաջատար AWS-ի հետ գործակցութիւնը բացառիկ հնարաւորութիւն է՝ առաջ մղելու Հայաստանի արդիականացումն ու թուային փոխակերպումը, որն ազգային օրակարգի անբաժանելի մասն է, ամրապնդելու Հայաստանի դիրքը որպէս տարածաշրջանային առաջատար տեխնոլոգիական (արհեստագիտական) կեդրոն»,– ըսուած է հաղորդագրութեան մէջ։
Փոխըմբռնման յուշագիրը ստորագրած են AWS-ի համաշխարհային հանրային հատուածի փոխնախագահ Մաքս Փեթերսոն եւ ՀՀ նախագահ, ՀՀ բարձր արհեստագիտական արդիւնաբերութեան նախկին նախարար Վահագն Խաչատուրեան։
