image

Հայաստանի մէջ սեպտեմբեր 17-20-ը տեղի պիտի ունենայ Համաշխարհային հայկական գագաթնաժողով

Հայաստանի մէջ սեպտեմբեր 17-20-ը տեղի պիտի ունենայ Համաշխարհային հայկական գագաթնաժողով

2024 թուականի սեպտեմբեր 17-20-ը ՀՀ սփիւռքի գործերու գլխաւոր յանձնակատարի գրասենեակի կողմէ Հայաստանի մէջ տեղի պիտի ունեանայ Համաշխարհային հայկական երկրորդ գագաթնաժողովը:

Հայաստանի եւ սփիւռքի արդի մարտահրաւէրներն ու խնդիրները, կայուն զարգացման հնարաւորութիւնները, ներկայի եւ ապագայի կարեւորագոյն հարցերը պիտի քննարկուին միասնական հարթակի վրայ տարբեր ձեւաչափերու շրջածիրէ ներս: Ազգային անվտանգութենէն մինչեւ բարձրագոյն արհեստագիտութիւններ, տնտեսութիւն, գիտութիւն, հայրենադարձութիւն եւ սփիւռքի համայնքներու կենսունակութիւն. գագաթնաժողովը պիտի հիւրընկալէ սփիւռքի եւ Հայաստանի շուրջ 1000 ներկայացուցիչներ:

Սփիւռքի համայնքներու մէջ աշխուժ ներգրաւուածութիւն ունեցող գործիչները, մասնագիտական խումբերու ներկայացուցիչները, համահայկական, երիտասարդական, մշակութային, կրթական, գործարար եւ այլ կառոյցներու անդամները, որոնք հետաքրքրուած են համաժողովին մասնակցութեամբ, կրնան լրացնել յայտադիմումը՝ արտայայտելով գագաթնաժողովին մասնակցելու իրենց ցանկութիւնը։

Մասնակիցներու վերջնական ընտրութիւնը պիտի իրականացուի մրցութային կարգով: