15.74c
Երեվան
չրք, հնս 10
Հայաստանը, Վրաստանը, Թուրքիան, Ղազախստանը, Արաբական Միացեալ Էմիրութիւնները կ'օգնեն Ռուսիոյ շրջանցելու արեւմտեան պատժամիջոցները։ Նման կարծիք յայտնած է Միացեալ Նահանգներու արտաքին գործոց նախարարութեան պատժամիջոցներու համակարգման վարչութեան ղեկավար Ճիմ Օ'Պրայընը։
Ան ըսած է, որ դէպի Ռուսիա միահաւաք շրջոյթի (միքրոչիփեր) եւ առանցքային ելեկտրոնային բաղադրիչներու մատակարարումները, որոնք Արեւմուտքը փորձած է արգելափակել պատժամիջոցներով, վերադարձած է այն մակարդակին, որ կար ուքրանական հակամարտութենէն առաջ: Տեղեկութիւնը յայտնած է «Politico» թերթի եւրոպական հրատարակութիւնը։
Թերթը նշած է, որ Ռուսիան կը կատարելագործէ արեւմտեան պատժամիջոցներուն դիմակայելու իր հնարաւորութիւնները:
Օ'Պրայըն կը կարծէ, որ եւրոպական ընկերութիւնները ելեկտրոնային արտադրանքը կը վաճառեն երրորդ երկիրներու, ուրկէ այն կը վերարտահանուի Ռուսիա: Խօսքը միահաւաք շրջոյթի (միքրոչիփեր), մշակիչի (CPU), ելեկտրոնային ելեկտրամեկուսիչ հարթաթիթեղներու մասին է, որոնք անհրաժեշտ են սպառազինութեան ժամանակակից համակարգեր ստեղծելու համար։
Ըստ ամերիկացի պաշտօնեայի`վերարտահանման հիմնական հոսքերը կ'անցնին ՆԱԹՕ-ի անդամ Թուրքիոյ տարածքով, բայց նաեւ Արաբական Միացեալ Էմիրութիւններով, Վրաստանով, Հայաստանով, Ղազախստանով:
