• 146
• 23/01/2025

Հա­մազգայինի Յունաստանի շրջանի «Նանօր» պարախումբը ելոյթ ունեցաւ յոյն հանդիսատեսներուն համար

Յունաստանի Նի­քէա­յի քա­ղա­քա­պե­տա­րա­նին կող­մէ տօ­նա­կան օ­րե­րուն նո­ւի­րո­ւած ե­լոյթ­նե­րու շար­քին մէջ «­Մե­ղե­դի­ներ կոր­սո­ւած հայ­րե­նի­քէն» ընդ­հա­նուր խո­րա­գիրով ե­լոյ­թին մէկ մա­սը յատ­կա­ցո­ւած էր հայ­կա­կան մշա­կոյ­թին, որու ծիրէն ներս հանդէս եկած է նաեւ «Նանօր» պարախումբը։

Այս մասին «Արեւելք» տեղեկութիւն քաղեց Լոս Անճելըս հրապարակուող՝ «Ասպարէզ»էն, որ, մասնաւորապէս, գրած է՝

Կի­րա­կի, 29 ­Դեկ­տեմ­բեր 2024ին ե­րե­կո­յեան ­Նի­քէա­յի մէջ ի­րա­գոր­ծո­ւեցաւ ե­լոյ­թ մը, ո­րուն ըն­թաց­քին յոյն հան­դի­սա­տես­նե­րը ծա­նօ­թա­ցան հայ­կա­կան պա­րա­յին ա­րո­ւես­տին եւ մե­ծա­պէս գնա­հա­տե­ցին մեր պա­տա­նի­նե­րը։ «­Նանօր» մի­ջին տա­րի­քի երկ­սեռ խում­բը, պա­րու­սու­ցու­թեամբ գլխա­ւոր պա­րու­սոյց Էտ­կար Է­կեա­նի եւ պա­րա­խում­բի պա­տաս­խա­նա­տու ու­սու­ցող Ան­նա ­Պօ­ղո­սեա­նի, հրամ­ցուց հինգ հայ­կա­կան պա­րեր ­Նի­քէա­յի Ա­յիոս ­Նի­քո­լաոս հրա­պա­րա­կին վրայ։

Նի­քէա­յի քա­ղա­քա­պե­տա­րա­նին կող­մէ տօ­նա­կան օ­րե­րուն նո­ւի­րո­ւած ե­լոյթ­նե­րու շար­քին մէջ, գոր­ծակ­ցու­թեամբ շրջա­նի ՀՅԴ «­Վա­րան­դեան» կո­մի­տէին եւ ­Հա­մազ­գա­յի­նի պա­րի միա­ւո­րին, ­Կի­րա­կի ե­րե­կո­յեան ե­լոյ­թին մէկ մա­սը յատ­կա­ցո­ւած էր հայ­կա­կան մշա­կոյ­թին։

«­Մե­ղե­դի­ներ կոր­սո­ւած հայ­րե­նի­քէն» ընդ­հա­նուր խո­րա­գիրով ե­լոյ­թին ըն­թաց­քին նաեւ ­Նի­քէա­յի քա­ղա­քա­պե­տա­կան ե­րաժշ­տա­նո­ցի նո­ւա­գա­խում­բը ներ­կա­յա­ցուց փոք­րա­սիա­կան ե­րաժշ­տա­կան գո­հար­ներ։

Յոյն եւ հայ բազ­մա­թիւ ներ­կա­նե­րուն առ­ջեւ «­Նա­նօր» պա­րա­խում­բը հրամ­ցուց տպա­ւո­րիչ պա­րեր։

­Տօ­նա­կան օ­րե­րու մթնո­լոր­տին մէջ, հրա­պա­րա­կի լու­սա­ւոր եւ բազ­մա­պի­սի զար­դա­րան­քներու պատ­կեր­նե­րուն տակ, հայ­կա­կան պա­րը եւս զար­դա­րեց տօ­նա­կան միջավայրը։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ