4.09c
Երեվան
երք, դկտ 23
Ֆրանսայի նախագահի հովանիին ներքոյ, մօտ ապագային Փարիզի մէջ տեղի պիտի ունենայ հայ-ֆրանսական համաժողով, որ նոր հեռանկարներ պիտի բանայ հայ երիտասարդութեան առջեւ եւ պիտի նպաստէ հայ-ֆրանսական երկկողմ կապերու ամրապնդման: «Այդ մասին Հայաստան-Ֆրանսայ դիւանագիտական յարաբերութիւններու հաստատման 30-ամեակին նուիրուած միջոցառման ընթացքին տեղեկացուց Ֆրանսայի Եւրոպայի եւ արտաքին գործերու նախարարութեան պետական քարտուղար Ժան-Պաթիսթ Լըմուանը` շնորհաւորելով երկու երկիրները կարեւոր տարեդարձն առիթով:
«Արդէն երեսուն տարի է` Ֆրանսան, առաւել քան երբեւէ, Հայաստանի կողքին է`օգնելով անոր վերականգնիլ եւ նայիլ դէպի ապագայ: Սա ուրախութեան պահ է: Կեցցէ՛ ֆրանս-հայկական բարեկամութիւնը: Եւ ի գործ դէպի գալիք 30 տարիներ», ըսաւ ֆրանսացի դիւանագէտը:
Լըմուանը նաեւ տեղեկացուց, որ ֆրանսական կողմը ՀՀ արտաքին գործոցի նախարար Արարատ Միրզոյեանի հետ ստորագրած է տնտեսական համագործակցութեան մի յաւակնոտ ճանապարհային քարտէզ, եւ շուտով Ֆրանսայի նախագահի բարձր հովանիին ներքոյ Փարիզի մէջ տեղի պիտի ունենայ ֆրանսական եւ հայ քաղաքացիական հասարակութիւններու համագործակցութեան` «Յաւակնութիւններ. Ֆրանսա-Հայաստան» խորագիրը կրող համաժողովը:
«Այն պիտի միաւորէ երկկողմ յարաբերութիւններու հիմնական դերակատարները եւ համոզուած եմ` թոյլ պիտի տայ ի յայտ բերել նոր գաղափարներ եւ նոր նախագիծեր: Համաժողովին նպատակն է հեռանկար բանալ հայ երիտասարդութեան առջեւ եւ աւելի ամրապնդել մեր երկու երկիրներուն միջեւ կապերը», յաւելեց Ժան-Պաթիսթ Լըմուան:
