5.09c
Երեվան
հնգ, փտր 26
Երեւանի մէջ ընթացող Եւրոպայի անվտանգութեան եւ համագործակցութեան կազմակերպութեան (ԵԱՀԿ) Խորհրդարանական վեհաժողովի աշնանային նստաշրջանի աշխատանքներուն մասնակցելու նպատակով Հայաստան գտնուող Ֆրանսայի, Կիպրոսի եւ Շուէտի պատգամաւորները 18 նոյեմբերին այցելած են Ծիծեռնակաբերդի յուշահամալիր:
Ինչպէս յայտնած են ՀՀ Ազգային Ժողովէն, հիւրերը ծաղիկներ խոնարհած են Հայոց ցեղասպանութեան զոհերու յիշատակը յաւերժացնող անմար կրակին մօտ, յարգած Սուրբ նահատակներու յիշատակը:
«Մենք կը կարեւորենք Հայոց ցեղասպանութեան դատապարտումը: Ունինք նաեւ մեր յստակ դիրքորոշումն այն ամէնուն վերաբերեալ, ինչ կատարուած է Ատրպէյճանի կողէ: Մենք հայ ժողովուրդի կողքին ենք»,- ըսած է ԵԱՀԿ ԽՎ Ֆրանսիայի պատվիրակութեան անդամ Պասկալ Լըկանը:
ԵԱՀԿ Խորհրդարանական վեհաժողովի Կիպրոսի պատուիրակութեան ղեկավար Արին Խարալամպիտէս նշած է, որ Կիպրոսն առաջին երկիրներէն է, որ դատապարտած է հայերու նկատմամբ իրականացուած ցեղասպանութիւնը: Ան աւելցած է, որ այն ամէնը, ինչ կատարուած է Լեռնային Ղարաբաղի բնակչութեան հետ, նոյնպէս խստօրէն պէտք է դատապարտուի:
