0.09c
Երեվան
կրկ, փտր 15
«Ի պատասխան տարբեր հարցումների` պարզաբանում ենք, որ Սարդարաշէնի գիւղապետ Հայկ Յակոբեանի` 24news.am-ին տուած հարցազրոյցը սխալ մեկնաբանութիւնների տեղիք է տուել:
Մասնաւորապէս, ատրպէյճանական զօրքերը շարունակում են մնալ Քարագլխի այն հատուածում, որտեղ Մարտի 24-25-ին ՊԲ ստորաբաժանումների գործողութիւնների արդիւնքում կասեցուել է նրանց յառաջխաղացումը, իսկ այդ հատուածը գտնւում է մի քանի գիւղերի, այդ թւում` Սարդարաշէնի հարեւանութեամբ:
Միեւնոյն ժամանակ, ատրպէյճանական կողմը պարբերաբար ապատեղեկատուութիւն է տարածում տարբեր ուղղութիւններով իբր թէ նոր ներխուժումների մասին, որոնցից վերջինը վերաբերում էր Մարտակերտի որոշ գիւղերի: Այնինչ իրականութիւնն այն է, որ նման պնդումներն ամբողջովին կեղծ են եւ շփման գծի ողջ երկայնքով դիրքային որեւէ փոփոխութիւն չի արձանագրուել Փառուխի ու Քարագլխի վերոնշեալ դէպքերից յետոյ:
Կոչ ենք անում հետեւել միայն պաշտօնական լրահոսին եւ չտրուել ատրպէյճանական ապատեղեկատուութեանը»:
Յիշեցնենք, որ Սարդարաշէնի գիւղապետ Հայկ Յակոբեանը 24News-ի հետ զրոյցին ըսած էր, որ ատրպէյճանական զինուած ուժերը բացի Փառուխ-Քարագլուխ ուղղութենէն յառաջացած են նաեւ Ասկերանի շրջանի Սարդարաշէն գիւղի ուղղութեամբ:
