18.09c
Երեվան
հնգ, մյս 07
ՀՀ պաշտպանութեան նախկին նախարար Դաւիթ Տօնոյեանի պաշտպանական խումբը հանդէս եկած է յայտարարութեամբ, որ կը ներկայացնենք ստորեւ.-
«Դաւիթ Տօնոյեանի ձերբակալումից մէկ տարի եւ երեք ամիս անց վերջապէս աւարտուեց մեղադրանքի կողմի գրաւոր «ապացոյցների» հետազօտումը, ինչպէս նաեւ քննիչի կողմից փորձագէտին ներկայացուած հարցադրումների պատասխանների եւ հետեւութիւնների հետազօտումը, որի ընթացքում չներկայացուեց որեւէ փաստ, տուեալ, փաստաթուղթ, ինչը կարող էր հիմնաւորել «վատնման» յանցակազմի առկայութիւնը, Դաւիթ Տօնոյեանին առաջադրուած մեղադրանքում տեղ գտած որեւէ ձեւակերպում կամ այս ամբողջ ժամանակամիջոցում կալանաւորման տակ գտնուելու անհրաժեշտութիւնը:
Աւելին, ներկայացուած «ապացոյցների» մի մասն առհասարակ վերաբերելի չէր մեղադրանքին կամ ոչինչ չէր հիմնաւորում, իսկ միւս մասը՝ հերքում էր մեղադրանքը, որի վերաբերեալ պաշտպանական կողմը արել է համապատասխան յայտարարութիւններ եւ ներկայացրել է հակափաստարկներ: Ամէն դէպքում՝ կարող ենք վերահաստատել, որ Դաւիթ Տօնոյեանին կալանքի տակ պահելու հիմքեր չկան»:
