31.09c
Երեվան
չրք, օգս 12
Հայաստանի մէջ առաջին անգամ կը կայանայ ԵԱՀԿ խորհրդարանական վեհաժողովը, լրագրողներու հետ զրոյցին ըսած է ԱԺ պատգամաւոր Սարգիս Խանդանեանը:
Ան մանրամասն ներկայացուցած է, թէ ինչպէս մեկնարկած է աշնանային նստաշրջանը՝ աւելցնելով, որ քաղաքական թեմաներ չեն քննարկուած. «Հիմնականում ընթացակարգային հարցեր են քննարկուել: Կէսօրից յետոյ մեկնարկելու է բուն նստաշրջանը, որի ընթացքում հանդէս են գալու ՀՀ վարչապետը, ԱԺ նախագահը եւ սկսելու է առաջին թեմատիկ քննարկումը, որը վերաբերում է ԵԱՀԿ տարածաշրջանի անվտանգային թեմաներին»:
Անդրադառնալով այն պատուիրակութիւններուն, որոնք չեն մասնակցիր վեհաժողովին՝ Խանդանեանը նշած է, որ երէկ Ռուսիոյ պատուիրակութիւնը դիմած է ԱԺ նախագահին եւ յայտնած, որ պիտի չմասնակցին. «ՀՀ ԱԺ-ն չէ, որ երկրների խորհրդարաններին հրաւէրներ է արել, դրանով զբաղւում է միջազգային կազմակերպութիւնը: Ինչ վերաբերում է Ադրբեջանի պատուիրակութեանը, ապա նրանք մի քանի անգամ անվտանգութեան հարց են բարձրացրել, ՀՀ-ն էլ յայտարարել է, որ պատրաստ է ապահովել նրանց անվտանգութիւնը, սակայն, ինչպէս տեսնում էք, նրանք չեն մասնակցել: Դա արդէն նրանց խնդիրն է: Իսկ ինչ վերաբերում է Թուրքիային, ապա տեղեկութիւններ չունենք»:
