1.09c
Երեվան
շբթ, փտր 28
Ատրպէյճանական բանակի գլխաւոր շտաբի պետ Քերիմ Վելիեւը, ցամաքային զօրքերու հրամանատար Էնվէր Էֆենտիեւը եւ Ատրպէյճանի պաշտպանութեան նախարարութեան այլ պաշտօնեաներ այցելած են N զօրամաս, հաղորդած են ատրպէյճանական լրատուամիջոցները։
«Մեծ թուով նորակոչիկներ ունեցող զօրամասին մէջ ստուգուած է անձնակազմի ընդունելութեան գործընթացը, նախնական դասընթացներուն նորակոչիկներու մասնակցութիւնը։ Ապա նախարարութեան ղեկավար կազմը այցելած է Հայաստանի հետ սահմանին տեղակայուած «Քոմանտոս» զօրամաս եւ այլ զօրամասեր, հետեւած անձնակազմի լեռնային պատրաստուածութեան։
Վելիեւը յանձնարարած է զինծառայողներու գործնական պարապմունքներու ընթացքին հիմնական ուշադրութիւնը դարձնել մարտավարութեան մեթոտներուն։ Վելիեւը համապատասխան պաշտօնատար անձանց հրահանգներ տուած է զինծառայողներու մասնագիտական պատրաստուածութեան մակարդակի, զօրավարժութիւններու եւ պարապմունքներու աշխուժացման եւ որակի բարձրացման մասին»,-նշած են լրատուամիջոցները:
