23.23c
Երեվան
չրք, հլս 01
Անցեալ տարի Հայաստանի եւ Գերմանիոյ առեւտրաշրջանառութիւնն առաջին անգամ գերազանցած է 500 միլիոն տոլարը, որմէ արտածումն աճած է մօտ 35 տոկոսով, իսկ ներմուծումը՝ կրկնակիէն աւելի: «Արմէնփրէս»-ի հաղորդմամբ՝ այս մասին յայտնած է ՀՀ տնտեսութեան նախարար Վահան Քերոբեան:
«Գերմանիայի պարագայում ներմուծումն էլ մեզ համար շատ կարեւոր է, որովհետեւ հիմնականում ներմուծւում են այնպիսի ապրանքներ, որոնք հետագայում նպաստում են տնտեսութեան մրցունակութեան, արտադրողականութեան աճին: Ներմուծւում են շինարարական, գիւղատնտեսական տեխնիկա (սարքեր), սարքաւորումներ, հոսքագծեր եւ արտադրական այլ համակարգեր: Այդ առումով Գերմանիայից ներմուծումը մեզ համար շատ կարեւոր է, քանի որ մենք ունենում ենք որակական փոփոխութիւն մեր արդիւնաբերութեան, գիւղատնտեսութեան եւ շինարարութեան մէջ»,- ըսած է Քերոբեան:
