10.09c
Երեվան
երք, մյս 14
Ռուսիոյ Դաշնութեան մէջ Միացեալ Նահանգներու դեսպանատունը յայտարարած է, որ յառաջիկայ երկու օրերուն Մոսկուայի մէջ հնարաւոր են ահաբեկչութիւններ։
Միացեալ Նահանգներու հնչեցուցած նախազգուշացումը իր կայքին մէջ տեղադրած է նաեւ Մեծ Բրիտանիոյ Արտաքին գործոց նախարարութիւնը։ Այս մասին գրած է kommersant.ru-ն:
«Դեսպանատունը կը հետեւի հաղորդագրութիւններուն այն մասին, որ ծայրայեղականները կը ծրագրեն յառաջիկային յարձակիլ Մոսկուայի մէջ մեծ խումբերով հաւաքուած մարդոց վրայ, ներառեալ համերգները: Միացեալ Նահանգներու քաղաքացիներուն խորհուրդ կը տրուի յառաջիկայ 48 ժամուան ընթացքին խուսափիլ մեծ ամբոխներու մէջ գտնուելէ», -ըսուած է Միացեալ Նահանգներու դիւանագիտական ներկայացուցչութեան յայտարարութեան մէջ։
Դեսպանատան կայքի ռուսերէն տարբերակին մէջ նախազգուշացում չկայ։
Միացեալ Նահանգներու Արտաքին գործոց նախարարութիւնը Ռուսիա մեկնելու վտանգի մակարդակը բարձրացուցած է առաւելագոյնի՝ չորրորդ մակարդակի։ Ռուսիոյ Արտաքին գործոց նախարարութիւնը դեռ չէ մեկնաբանած այս տեղեկութիւնը։ Մոսկուայի մէջ, մարտի 8-ին, Կանանց միջազգային օրուան կապակցութեամբ տասնեակ տօնական միջոցառումներ նախատեսուած են։
