14.09c
Երեվան
հնգ, նմբ 05
Ռուսիոյ, Միացեալ Նահանգներու եւ Ուքրանիոյ միջեւ Նոյեմբեր 10-11-ին Արաբական Միացեալ Էմիրութիւններու մայրաքաղաք Ապու Տապիի մէջ կայանալիք եռակողմ բանակցութիւններու ընթացքին պիտի քննարկուին անվտանգութեան վերաբերող հարցեր։
Հանդիպումը պիտի կայանայ ոչ հրապարակային ձեւաչափով՝ փակ դռներու ետին։ Այս մասին Նոյեմբեր 4-ին լրագրողներուն յայտնած է Ռուսիոյ նախագահի մամուլի քարտուղար Տմիթրի Փեսքովը։
Ան մանրամասնած է, որ պիտի քննարկուին ընդհանուր առմամբ անվտանգութեան, ինչպէս նաեւ անվտանգութեան ապահովման եւ ներգրաւուած կողմերուն համար անվտանգութեան երաշխիքներու վերաբերող հարցեր։
Ռուսիոյ նախագահի մամուլի քարտուղարը վստահեցուցած է, որ յառաջիկայ բանակցութիւններուն ժամկէտները որեւէ կերպով կապ չունին Միացեալ Նահանգներու մէջ ընթացող ընտրական գործընթացին հետ։
