23.23c
Երեվան
չրք, հլս 01
Գերմանիոյ Դաշնային Հանրապետութեան մէջ վարչապետի տիկին Աննա Յակոբեան, դստեր՝ Շուշան Փաշինեանի հետ այցելած է Պերլին գտնուող «Թումո» կեդրոն։ Ինչպէս տեղեկացուցած են ՀՀ վարչապետի տիկին Աննա Յակոբեանի գրասենեակէն, վարչապետի տիկինը, մասնաճիւղի տնօրէն Փաւել Մորտելի ուղեկցութեամբ շրջած է կեդրոնը եւ ծանօթացած աշխատանքին։
«Տնօրէն Մորտելը Աննա Յակոբեանին է ներկայացրել կեդրոնի մասնագիտական ուղղութիւնները, որոնք հասնում են մէկ տասնեակի՝ ծրագրաւորում, անիմացիա (գծանկարային ժապաւէն), կրաֆիկական տիզայն, 3D մոտելաւորում, ռոպոթաշինութիւն, խաղերի, ֆիլմերի ստեղծում եւ այլն։
Պերլինի պատմական Շարլոթենպուրկ թաղամասում գտնուող Թումոն բացուել է 2020 թուականի նոյեմբերին: Պաշտօնական բացումը, սակայն, 2021-ին է տեղի ունեցել։ Թումո Պերլինի համար կառուցուել է 4 յարկ ունեցող նոր շէնք։ Սա Թումոյի 5-րդ միջազգային կեդրոնն է, որտեղ անվճար սովորում է շուրջ 1200 սան»,- ըսուած է հաղորդագրութեան մէջ։
Ըստ աղբիւրին՝ վարչապետի տիկին Աննա Յակոբեան, դստեր եւ տնօրէն Մորտելի ուղեկցութեամբ շրջած է բոլոր յարկերն ու լսարանները, հետեւած դասընթացներու գործընթացին, զրուցած սաներուն հետ։
«Թումո»-ն կեդրոններ ունի Հայաստանի, Արցախի եւ աշխարհի 6 երկիրներու՝ Ռուսիոյ, Ֆրանսայի՝ 2 կեդրոն, Լիբանանի, Գերմանիոյ, Ալպանիոյ, Ուքրանիոյ մէջ։
