-0.91c
Երեվան
երք, հնվ 20
ՀՀ ԱԳՆ-ն ամփոփած է անցնող տարին՝ 2025 թուականը:
Նշուած է, որ 2025 թուականն առանցքային տարի էր ՀՀ-ԵՄ գործընկերութեան համար՝ նշանակալի զարգացումներով:
«Ընդլայնուել է համագործակցութիւնը պաշտպանական եւ անվտանգութեան ոլորտներում.
1. տրուել է ՀՀ-ԵՄ անվտանգութեան եւ պաշտպանութեան վերաբերեալ խորհրդակցութիւնների մեկնարկը,
2. ստորագրուել եւ ուժի մէջ է մտել ԵՄ ճգնաժամային կառավարման գործողութիւններում Հայաստանի Հանրապետութեան մասնակցութեան շրջանակը սահմանելու մասին համաձայնագիրը,
3. ԵՄ քաղաքացիական առաքելութեան մանդատը երկարաձգուել է՝ որպէս կայունութեանը նպաստող կարեւոր գործօն,
4. ԵՄ անդամ պետութիւնների միջեւ ձեռք է բերուել կոնսենսուս Եւրոպական խաղաղութեան գործիքի ներքոյ Հայաստանին աջակցութեան երկրորդ յատկացման շուրջ։
Առաջընթաց է արձանագրել վիզաների ազատականացման երկխօսութիւնը՝ միտուած ՀՀ քաղաքացիների համար շօշափելի արդիւնքների ապահովմանը:
Իրականացւում է Հայաստանի համար «Դիմակայունութիւն եւ աճ ծրագրի» ֆինանսաւորման երկրորդ փուլը (202.5 միլիոն եւրո)։
Պայմանաւորուածութիւն է ձեռք բերուել առաջիկայ խոշոր միջոցառումների անցկացման հարցում.
Հայաստանն ընտրուել է Եւրոպական քաղաքական համայնքի 2026 թ․ գարնան գագաթնաժողովը հիւրընկալող երկիր,
2026 թ. մայիսին տեղի է ունենալու Հայաստան-ԵՄ առաջին գագաթնաժողովը:
Տարին եզրափակուել է ՀՀ-ԵՄ գործընկերութեան ռազմավարական օրակարգի ընդունումով, որով այդ գործընկերութիւնը մտաւ նոր եւ աւելի յաւակնոտ փուլ՝ ընդհանուր տեսլականով եւ պատասխանատւութեամբ՝ միտուած առանցքային ուղղութիւններով կոնկրետ արդիւնքների շարունակական ապահովմանը»,-յայտնած են ԱԳՆ-էն:
ՀՀ-ԵՄ գործընկերութեան խորացումն արտացոլում է ՀՀ քաղաքացիների եւրոպական ձգտումները. ՀՀ Ազգային ժողովն ընդունել է «Եւրոպական միութեանը Հայաստանի Հանրապետութեան անդամակցելու գործընթացի մեկնարկի մասին» օրէնքը:
