19 Տարի առաջ գրեթէ այս օրերուն. Ինչպէ՞ս բացայայտած են Սատտամ Հիւսյէնի գտնուած վայրը (Լուսանկար)

19 Տարի առաջ գրեթէ այս օրերուն. Ինչպէ՞ս բացայայտած են Սատտամ Հիւսյէնի գտնուած վայրը (Լուսանկար)

Հոլանտը պատմած է, որ երբ յայտնաբերած են աղիւսներու վրայ յենած անցքին տեղը, ներսը նռնակ  մը նետած են, որմէ ետք լսած են արաբերէն խօսող ձայն մը, որ աստիճանաբար կը բարձրանար։ Յետոյ նկատած են, որ տղամարդը ձեռքերը բարձրացուցած է անցքէն դուրս։ Տեսնելով խիտ մազերով գլուխը, զինուորները ենթադրած են որ ան  Սատտամն է եւ արագօրէն զինք հանած են փոսէն ու ձերբակալած։

Երբ զինուորները զինք փոսէն դուրս հանեցին եւ ծիծաղելով ըսին անոր. «Նախագահ Պուշը իր ողջոյնները  կ՚ուղարկէ քեզի»։ 

Ամերիկեան բարձրաստիճան զինուորական մը, որ մասնակցած էր Սատտամ Հիւսէյնի թաքստոցի յայտնաբերման, նոր մանրամասներ  պատմած է անոր ձերբակալութեան մասին։

ԱՄՆ ուժերը Սատտամ Հիւսէյնը ձերբակալեցին 13 Դեկտեմբեր 2003 թուականին, Ալ-Տուր քաղաքին մօտ գտնուող ագարակին մէջ, անոր ծննդավայր Թիքրիթ քաղաքին մօտ:

Թոշակի ելած բարձրաստիճան զինուորական Քեւըն Հոլանտ ըսած է, որ Ամերիկեան  «Տէլթա» յատուկ ջոկատայինները ստացած են որոշ մարդոց կողմէ տեղեկութիւններ, որմէ ետք ուղղուած են դէպի այն վայրը, ուր թաքնուած է Սատտամ Հիւսէյն։

Սատտամ թաքնուած էր փոքր փոսի մը մէջ, երբ ամերիկեան ուժերը զինք գտան ինը ամիս հետապնդելէ ետք։

Ըստ Քեւըն Հոլանտին, փոսը ծածկուած էր ծառի տերեւներով եւ աւազով, եւ փակուած էր խցանով, որպէսզի բացուածքը չերեւի։ Անկէ փոքրիկ խողովակ մը դուրս եկած էր, որպէսզի թթուածին ներս մտնէ:

Հոլանտը պատմած է, որ երբ յայտնաբերած են աղիւսներու վրայ յենած անցքին տեղը, ներսը նռնակ  մը նետած են, որմէ ետք լսած են արաբերէն խօսող ձայն մը, որ աստիճանաբար կը բարձրանար։ Յետոյ նկատած են, որ տղամարդը ձեռքերը բարձրացուցած է անցքէն դուրս։ Տեսնելով խիտ մազերով գլուխը, զինուորները ենթադրած են որ ան  Սատտամն է եւ արագօրէն զինք հանած են փոսէն ու ձերբակալած։

Երբ զինուորները զինք փոսէն դուրս հանեցին եւ ծիծաղելով ըսին անոր. «Նախագահ Պուշը իր ողջոյնները  կ՚ուղարկէ քեզի»։ Ըստ բարձրաստիճան զինուորականին՝ Սատտամը բանակցելու ցանկութիւն յայտնած է։

Սատտամը իր հետ կը կրէր Glock-18 ատրճանակ, ուստի ամերիկեան ջոկատի անդամներէն մէկը զէնքը ուղղեց անոր բերանին, որպէսզի անշարժանայ եւ իրմէ կարենան խլել ատրճանակը։ Ըստ Հոլանտի, այդ ատրճանակը ներկայիս կը գտնուի ԱՄՆ նախկին նախագահ Ճորճ Պուշին մօտ։

Հոլանտ շարունակելով ըսած է, թէ թէեւ ջոկատը տեղեկութիւններ ունէր, Սատտամի գտնուելու վայրին մասին, սակայն անոր յայտնուելու եւ ձերբակալուելու պահը,  «գերիրապաշտական» էր:

Սատտամ Հիւսէյնի թաքնուած վայրի բացայայտման մասին զանազան վարկածներ կան։ Անոնցմէ գլխաւորը, Ամերիկեան գաղտնի սպասարկութեան պատմութիւնն է Սատտամ Հիւսէյնի անձնական թիկնապահին մասին, որուն անունը Մուհամմատ Իպրահիմ  Ամըր Ալմուսալլաթ է։ Կ՚ըսուի, թէ ան ձերբակալուելով ամերիկեան բանակին կողմէ, խիստ հարցաքննութեան չէ դիմացած եւ գաղտնազերծած ու ցոյց տուած է Սատտամ Հիւսէյնի գտնուելու վայրը։

 

Աղբիւր՝  sputnikarabic.ae