Համաշխարահային հռչակի արժանացած «Վարդի անունը» վէպի հեղինակ, իտալացի գրող եւ փիլիսոփայ Ումպէրթո Էքոն կնքեց իր մահկանացուն 84 տարեկան հասակին: Իտալական լրատուամիջոցները այս մասին յայտարարած են շաբաթ օր, 20 փետրուարին: Էքոն, որ քաղցկեղէ կը տառապէր, մահացած էր ուրթաթ, 19 փետրուարին: Անոր մահը հաստատած է իր ամերիկացի հրատարակիչ Հութոն Միֆլին Հարքուրթը (Houghton Mifflin Harcourt):
Ան շատերու կողմէ կը համարուի իտալական ժամանակակից գրականութեան մեծագոյն դէմքերէն մէկը: Անոր առաւել նշանաւոր գործերը եղած են «Վարդի Անունը» (1980) եւ «Ֆուկոյի Ճոճանակը» (1988): Էքոյի գրիչին բնորոշ եղած են հարուստ լեզուն եւ սիմպոլներու սրամիտ օգտագործումը։
Նշենք, որ Էքո ծնած էր 5 յուլիսի 1932-ին, Փէտմօնթի հիւսիսային շրջանը գտնուող Ալէսանտրիայի մէջ:
