12.09c
Երեվան
շբթ, մյս 09
Իսրայէլեան բազմաթիւ աղբիւրներ այսօր տեղեկութիւն փոխանցած են այն մասին, որ լիբանանեան «Հըզպալլա» կազմակերպութիւնը տիրացած է ռուսական գերարդիական «Եախոնթ» (P-800) հրթիռներուն: Այս մասին, նոյնպէս տեղեկութիւն ստացած է Իսրայէլի Պաշտպանութեան նախարար Աւէկտոր Լիպըրման, որ օրերս կը գտնուի Միւնըխ մասնկացելու միջազգային անվտանգութեան գագաթաժողովին:
Կը փոխանցուի նաեւ, որ «Հըզպալլա» իր դաշնակիցներէն ստացած է ութը «Եախոնթ» տիպի հրթիռներ, որոնց հասողութիւնն է 300 քլմ. եւ հրթիռները կարողութիւն ունին «հանգիստ» ձեւով խոցել Իսրայէլի ծովափը գտնուող ցանկացած մարտանաւ: Ըստ «Ետիհոթ ահրոնոթ» պարբերականին ռուսական արտադրութեան այս հրթիռները կրնան հեշտ եւ երեւալի ձեւով փոխել «Հըզպալլա»- Իսրայէլ «բաց հակամարտութեան» բոլոր կանոնները եւ ստեղծել ընդհանուր նոր իրավիճակ:
Յիշեցնենք, որ այս տեղեկութիւնները կը հրապարակուին մէկ կողմէ իսրայէլիցի պաշտօնատարներու «Հըզպալլա»ն եւ Լիբանանը թիրախ դարձնելու եւ միւս կողմէ «Հըզպալլա»ի առաջնորդ Սէյիտ Հասան Նասրալլաի օրեր առաջ հնչեցեցուցած եւ իսրայէլին դէմ ուղղուած «սպառնալիքներու»ն զուգընթաց: Յիշեցնելու կարգով յայտնենք, որ երկու կողմերուն միջեւ վերջին մեծագոյն ճակատումը տեղի ունեցած էր 2006-ին, երբ իսրայէլեան բանակը 33 օր տեւած պատերազմէն ետք ընդունած էր ՄԱԿ-ի կողմէ առաջարկուած հրադադարը: Հրադադարի հաստատումէն օրեր ետք ՄԱԿ-ի ապահովութեան խորհուրդը հրապարակած էր թիւ 1701 որոշումը, որ երկու հակամարտող կողմերուն (Իսրայէլ եւ «Հըզպալլա») թելադրած էր պատերզմական իրավիճակը սաստելու յատուկ մէքանիզմներ, որոնց հսկողութիւնը ցայսօր կը կատարուի ՄԱԿ-ի «Եունիֆիլ»ի խաղաղապահ ուժերուն կողմէ եւ որուն մաս կը կազմեն, նոյնպէս ՀՀ-ի ՄԱԿ-ի խաղաղապահ առաքելութեան մաս կազմող յատուկ ջոկատ մը:
