15.09c
Երեվան
երկ, հկտ 05
Պէյրութի մէջ առեւանգուած չորս իրանցի դիւանագէտները ողջ են: Այս մասին կը գրէ «Շարըք Ալ Աուսաթ» պարբերականը նշելով, որ ըստ Իրանի «Յեղափոխութեան պահակներ»ու նախկին պատասխանատուներէն Իսմահիլ Քաուսարիի, չորս իրանցիները կը գտնուինԻսրայէլի մէջ: Իրանցի պատասխաատուն նաեւ ըսած է, որ Թեհրան աւելի վաղ մերժած է «Հըզպալլա»ի զինուորական առաջնորդներէն Իմատ Մուղնիյէի մէկ նախաձեռնութիւնը, որուն հիմամբ իրանցի դիւանագէտներու ազատ արձակման դիմաց «Հըզպալլա» ազատ պիտի արձակէր իր մօտ գտնուող ամերիկացի դիւանագէտ մը: Իր կարգին Իրանի Իսլամական Հանրապետութեան պաշտպանութեան նախարար Հասան Տահքան, անդրադառնալով նոյն թեմային, ըսած է, թէ իրանցի չորս դիւանագէտներուն ապահովութիւնը Իսրայէլի կառավարութեան եւ պետական մարմիններու պատասխանատուութիւնն է: Յիշեցնենք, որ չորս իրանցի դիւանագէտները առեւանգուած էին Պէյրութի մէջ 1982-ին «Լիբանանեան ուժեր» միլիցի զինեալներուն կողմէ:
