26.19c
Երեվան
հնգ, հնս 25
Ռեժիսոր Ջիվան Ավետիսյանի «Վերջին բնակիչը» ֆիլմի նկարահանումներն ավարտված են։ Ինչպես ռեժիսորի նախորդ` «Թեւանիկ ֆիլմը», «Վերջին բնակիչը» նույնպես արցախյան պատերազմի մասին է: Ֆիլմում ներգրավված են տարբեր ազգերի դերասաններ, գլխավոր դերակատարներից մեկը հոլիվուդյան ճանաչված դեմքերից՝ իրանցի հանրահայտ դերասան Հոմայուն Էրշադին է: Նկարահանվել են նաեւ Սունդուկյանի անվան թատրոնի նախկին դերասան, վերջին շրջանում սերիալներում ներգրավված Արտաշես Խաչատրյանը, երիտասարդ դերասան Սոս Ջանիբեկյանը: Ինչպես տեղեկանում ենք «Վերջին բնակիչը» ֆիլմի ֆեյսբուքյան էջից, Սոս Ջանիբեկյանը ֆիլմում մարմնավորում է հանցագործի. նա մոտ 25 տարեկան ստահակ է, սիրում է ինտելիգենտ եւ կրթված ձևանալ: Հանցագործը տիրացել է հայերի գյուղի ունեցվածքին, սակայն նրա նպատակը մեկն է` տիրանալ հայ գյուղացու` Աբգարի աղջկան՝ Յուրգային, ում սիրում էր դեռ պատանի տարիքում: Նա ֆիլմում հերթական անգամ հեշտությամբ անցնում է մարդ-գազան սահմանը: Սոս Ջանիբեկյանը խաղում է ադրբեջանցու դեր:
