27.42c
Երեվան
հնգ, հնս 25
Մինչեւ այսօրվա ողբերգական դեպքը, ադրբեջանական կողմը երեկ ամբողջ գիշեր Արցախի սահմանի ամբողջ երկայնքով կրակել է` կրկին կիրառելով թուրքական արտադրության ռեակտիվ հրթիռահրետանային կայանք: Մեկնաբանելով անցած գիշերվա անհանգիստ վիճակը` այսօր ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը, Sputnik Արմենիա ռադիոկայանի հետ զրույցում ասել է, որ սա ևս մեկ անգամ ապացուցում է Թուրքիայի ապակառուցողական դերակատարությունը տարածաշրջանում:
«Այսինքն, Ադրբեջանին մատակարարում է այդ զենքը, բացի դրանից, ուղարկում է այնտեղ սպաներ, ովքեր ադրբեջանական բանակում աշխատում են որպես խորհրդատուներ, հրահանգիչներ, վարժեցնում են զինվորներին: Այսինքն, սա ևս մեկ անգամ ցույց է տալիս, թե ինչ դերակատարություն ունի Թուրքիան, ինչպիսի ապակառուցողական քաղաքականություն է վարում, և որ երկուսն էլ շարունակում են ցեղասպանության քաղաքականությունը՝ ժխտելով Հայոց ցեղասպանության փաստը և փորձելով իրականացնել ևս մեկ ցեղասպանություն»,-նկատել է ԼՂՀ նախագահի աշխատակազմի տեղեկատվության գլխավոր վարչության պետը
