5.09c
Երեվան
չրք, մրտ 04
Երեքշաբթի առաւօտ, Զմմառու դարաւոր վանքին մէջ ընթացք առած է Հայ կաթողիկէ Կաթողիկոս պատրիարքի ընտրութեան Սուրբ Սինոտը: Այս մասին «Արեւելք» տեղեկութիւն ստացաւ Պէյրութէն:
Մեր աղբիւրը նաեւ նշեց, որ այս Սինոտի գլխաւոր նպատակը պիտի ըլլայ վերջերս նորոգ վախճանեալ Գրիգոր Պետրոս Ի. Կապրոյեանի յաջորդը ընտրելը:
Ժողովին կը մասնակցին 12 գերապայծառներ՝ Հայ կաթողիկէ համայնքի աշխարհատարած բոլոր թեմերէն:
Ըստ Սինոտոսի կանոններուն, ժողովին մասնակից բոլոր միաբան հայրերը թեկնածու են՝ ընտրուելու Կաթողիկոս պատրիարք Կաթողիկէ համայնքին եւ անոնցմէ մէկուն պիտի վիճակուի բախտը դառնալու յաջորդ Հայ կաթողիկէ Կաթողիկոս պատրիարք:
Աւարտին, նշենք, որ ժողովը պատրիարքի ընտրութեան օրակարգի կողքին նաեւ պիտի քննարկէ համայնքային, թեմական, կրօնական, ընկերային, մշակութային ու նաեւ ընդհանուր համայնքը յուզող գլխաւոր հարցեր:
