«Յարգելի՛ հայրենակիցներ,

Արցախեան երրորդ պատերազմի ընթացքում Հայրենիքի պաշտպանութեան ու անվտանգութեան ապահովման գործում Արցախի Հանրապետութեանը մատուցած բացառիկ ծառայութիւնների, ցուցաբերած քաջութեան ու անձնական արիութեան համար իմ հրամանագրով Ալեն Լեւոնի Մարգարեանը յետմահու արժանացել է «Արցախի հերոս»-ի բարձրագոյն կոչման:
Պետական պարգեւը՝ «Ոսկէ արծիւ» շքանշանը, օրերս յանձնել եմ Ալենի հարազատներին: 

Պոսթընի համալսարանում սովորելու հնարաւորութիւնը խոստումնալից երիտասարդը ստորադասեց Հայրենիքի պաշտպանութեան սուրբ գործին: Իսկ մարտի դաշտում կատարած սխրագործութիւններն ու հայրենի հողը կեանքի գնով գիտակցաբար պահելու նրա որոշումը միմիայն հայրենասիրութեան բացառիկ դրսեւորում կարելի է համարել:

Խոնարհումս յանուն Հայրենիքի իրենց կեանքը զոհած մեր բոլոր հերոսների պայծառ յիշատակին: Ալենի եւ իր նահատակ ընկերների՝ մեզ թողած պատգամը մէկն է՝ անել առաւելագոյնը զօրացնելու համար մեր Հայրենքիը….»,- գրած է ան: