24.09c
Երեվան
չրք, օգս 27
ԱՖՀԻԼ իրերօգնութեան սնտուկը ուրախ է յայտարարելու, որ Լիբանանի իրերօգնութեան սնտուկներու սենտիքայի ընտրութեան ԱՖՀԻԼ-ի տնօրէն պրն. Յակոբ Լատոյեան ընտրուեցաւ վարչութեան անդամ եւ վարչութիւնը իր կարգին զինք ընտրեց դիւանի անդամ իբրեւ գանձապահ:
Այս առիթով վարչութենէն պատուիրակութիւն մը ուրբաթ, 1 օգոստոս 2025-ին հանդիպում ունեցաւ Լիբանանի բժիշկներու սենտիքայի նոր նախագահ տոքթ. Էլիաս Շլալայի հետ «Բժիշկի տուն» կեդրոնին մէջ:
Հանդիպումին սենտիքայի ատենապետ պրն. Ղասսան Տաու ներկայացուց իրերօգնութեան սնտուկներուն դերը Լիբանանի մէջ եւ պետութեան հիւանդանոցային ծախսերու բեռը պակսեցնող իբրեւ օղակ անցնող տարիներուն կատարուած սպասարկութիւններու պատկերը:
Այս առիթով տոքթ. Շլալա գնահատեց իրերօգնութեան սնտուկներուն կատարած աշխատանքները եւ դերը լիբանանեան ընկերութեան մէջ: Ան շեշտեց, որ բժիշկներու սենտիքային հետ գործակցութիւնը շատ անհրաժեշտ է բժիշկ-իրերօգնութեան սնտուկներ կապը գալիք աշխատանքներու եւ ծրագիրներու իրագործման համար:
Յիշենք, որ իրերօգնութեան սնտուկներու նոր վարչութիւնը հանդիպումներ պիտի ունենայ հանրապետութեան նախագահին, վարչապետին, գիւղատնտեսութեան եւ առողջապահութեան նախարարներուն հետ:
