11.09c
Երեվան
երք, ապր 28
Թիֆլիսի «Էքսփօ Ճորճիա» ցուցահանդէսային կեդրոնի շէնքէն ներս տեղի ունեցած է Վրաստանի նախկին վարչապետ՝ Կիորկի Կախարիայի քաղաքական միութեան՝ «Յանուն Վրաստանի» կուսակցութեան շնորհանդէսը: Այս մասին գրած է Georgia Online կայքը:
«Յանուն Վրաստանի» քաղաքական միութեան նախագահը եղած է Կիորկի Կախարիան: Նորաստեղծ կուսակցութեան անդամները համապատասխան որոշում կայացուցած են միութեան նիստին՝ սատարելով Կիորկի Կախարիայի թեկնածութեան:
Կուսակցութեան ժողովին հաստատուած է նաեւ կուսակցութեան կանոնադրութիւնը:
Յիշեցնենք, որ Վրաստանի վարչապետ՝ Կիորկի Կախարիան լքած է իր պաշտօնը 18 փետրուարին: Ինչպէս բացատրած է Կախարիան, ան անհիմն համարած է «Միացեալ ազգային շարժում» կուսակցութեան նախագահի՝ Նիքա Մելիայի ձերբակալութիւնը այն պայմաններուն, երբ առկայ էր քաղաքական սրացման սպառնալիք: Ըստ Կախարիային, պաշտօնանկութեան պատճառ հանդիսացած է նաեւ այն փաստը, որ ան չէ կրցած այս հարցով պայմանաւորուիլ խումբին հետ:
