Կիպրոսի նաւահանգիստէն մեկնած մարդասիրական օգնութիւն տեղափոխող նաւը հասած է Կազայի ափեր։
Այս մասին յայտնած է BBC-ն՝ նշելով, որ 15 մարտին նաւէն բեռնաթափուած են շուրջ 200 թոն սննդամթերք պարունակող բեռնարկղեր:
Պարէնի մատակարարումներն կ'իրականացուին նաեւ ցամաքով եւ օդով, սակայն օգնութեան ներկայ քանակը չի բաւարարեր Կազայի հատուածի կարիքները բաւարարելու համար:
Ըստ աղբիւրին՝ Ծովային առաքելութիւնը կազմակերպած է ամերիկեան բարեգործական World Central Kitchen կազմակերպութիւնը (WCK), իսկ գլխաւոր ֆինանսական նուիրատուն Արաբական Միացեալ Էմիրութիւններն է: Սպանական բարեգործական կազմակերպութիւնը տրամադրած է նաւը:
Մարդասիրական օգնութեան առաջին խմբաքանակին մէջ ներառուած են բրինձ, ալիւր, հատիկաընդեղէն, պահածոյացուած բանջարեղէն եւ պահածոյացուած սպիտակուցներ: