12.09c
Երեվան
կրկ, փտր 22
Ծովագիւղի եւ Սեմիոնովքայի բնակիչները երկկողմանի փակած են Երեւան-Սեւան մայրուղին եւ հանդիպում կը պահանջեն Տարածքային կառավարման եւ ենթակառուցուածքներու նախարար Գնէլ Սանոսեանի հետ:
Բնակիչներէն մէկը ըսաւ, որ բողոքի շարժումը խաղաղ է: Ոստիկաններ կան:
«Պահանջում ենք, որ նախարարը գայ եւ մեր խնդրին լուծում տա: Մենք ընտրութիւններով դէմ էինք արտայայտուել խոշորացմանը եւ սպասում էինք, որ մեզ կ'արձագանգեն, մեր խնդրին լուծում կը տան, բայց ինչպէս տեսանք` չլուծուեց: Հիմա բնակիչները որոշել են ճանապարհը փակել, որպէսզի հարցը լուծուի», ըսաւ ողոքողներէն մին:
Նշենք, որ այս երկու գիւղերու բնակիչները դէմ էին խոշորացման եւ Դեկտեմբեր 5–ին տեղի ունեցած Սեւան խոշորացուած համայնքի ՏԻՄ ընտրութիւններուն չէին մասնակցած:
Բնակիչները կը սպասէին Տարածքային կառավարման եւ ենթակառուցուածքներու նախարարութեան որոշման, որով պարզ կը դառնայ իրենց համայնքներուն ճակատագիրը: Մինչդեռ նախարարութենէն նշած էին, որ այս համայնքներուն համար որեւէ այլընտրանքային լուծում չի քննարկուիր:
«Ծովագիւղ եւ Սեմիոնովքա գիւղերը իրաւաբանօրէն համարւում են խոշորացուած համայնքներ` Սեւան համայնքի կազմում, որեւէ այլընտրանքային լուծում այդ համայնքների մասով առհասարակ չի քննարկւում», ըսած էր Տարածքային կառավարման եւ ենթակառուցուածքներու նախարարի մամուլի խօսնակ Սոնա Յարութիւնեանը:
Լուրը՝ «Նիուզ.ամ»էն:
