2.09c
Երեվան
ուրբ, դկտ 27
Լիբանան- Այս պահուն ծանր իրավիճակ կը տիրէ Պէյրութի կեդրոնական հատուածին մէջ գտնուող կենսոլորտի նախարարութեան շէնքին շուրջ: Նշենք, որ աղբահանութեան հարցով պայքարող աքթիւիսթներ կենսոլորտի նախարարութիւն մուտք գործելէ ետք յայտարարած էին, որ պիտի չհեռանան շէնքէն այնքան ատեն, որ կենսոլորտի նախարար Մոհամմատ Ալ Մաշնուք չի ներկայացներ իր հրաժարականը: Ապահովական մարմիններ փորձած են ուժ կիրառելով դուրս հանել ցուցարարները: Տեղի ունեցած է հրմշտուք, որուն հետեւանքով շուրջ 14 վիրաւորներ փոխադրուած են հիւանդանոց: Նշենք, որ վիրաւորեալներուն մէջ կայ Լիբանանցի երիտասարդ բեմադրիչ Լուսիան Ապու Րըժայլի, որ ծանր վնասուածքներ ստացած է: Ներկայ պահու դրութեամբ 14 բողոքարարներ կը մնան նախարարութիւնէն ներս եւ անոնք կը մերժեն դուրս գալ շէնքէն:
