10.09c
Երեվան
շբթ, փտր 14
Հայ անուանի երաժիշտ, դաշնակահար, երգահան Մաէսթրո Տիգրան Մանսուրեանն օրերս դարձաւ 83 տարեկան:
Ծնած է Պէյրութ 1939-ին: Ընտանիքի հետ տեղախոխուած են Հայաստան, Արթիկ քաղաք՝ երբ ինք 7 տարեկան էր: Հակառաակ տնտեսական ծանր պայմաններուն, հայրենադարձ ընտանիքը կը շարունակէ մնալ Հայաստան: Մի քանի տարի անց, ան կը մեկնի Կիւմրի՝ երաժշտական դպրոց ընդունուելու համար:
Յաջորդ կանգառը՝ Երեւանն էր, ուր ապագայ մեծ կոմպոզիտորը կ'ընդունուի «Ռոմանոս Մէլիքեան»-ի անուան երաժշտական ուսումնարան՝ կոմպոզիցիայի բաժին: Մայրաքաղաքին մէջ գումար վաստակելու համար ան կ'աշխատի որպէս շինարար: Այդ ժամանակ, դաշնամուր գնելու մասին ան նոյնիսկ չէր կրնար մտածել: Փոխարէնը, մինչեւ ուշ գիշեր կը մնար ուսումնարան, ուր գտնելով ազատ լսարան՝ կը սկսէր ստեղծագործել: Մանսուրեան իր առաջին դաշնամուրը գնած է 1969-ին. այն մինչ օրս Մաեսթրոյի տանն է:
Մանսուրեան շարք մը հայկական ֆիլմերու երաժշտութեան հեղինակն է: Անոնցմէ կը նշենք՝ «Կտոր Մը Երկինք», «Սիրոյ Մեղեդի», «Հին Օրերի Երգը», «Մեր Մանկութեան Տանգոն»:
«Կոմպոզիտորը նա չէ, ով կարողանում է գրել, այլ նա է ով չի կարողանում չգրել». Այս է Մաեսթրոյի կարգախօսը: Ան ոչ մէկ վայրկեան չէ դադարած ստեղծագործել: Նոյնը նաեւ հիմա: Իր կեանքի մեծագոյն երազանքներէն մէկը արդէն իրականացուցած է: Գրած է «Ռեքվիէմ», իսկ հիմա՝ հերթը «Սիմֆոնիա»-ինն է:
Բացի առողջութենէն, այսօր Մաեսթրոն կ'երազէ այն մասին, որ մինչեւ կեանքի վերջ՝ կեանքը իր մէջ չնուազի:
Նիւթին կից գտէ'ք Մանսուրեանի «Մեր Մանկութեան Տանգոն» ստեղծագործութիւնը:
