7.29c
Երեվան
ուրբ, մրտ 14
Թուրքիա- «Արեւելք»- Թուրքիոյ Տիարպէքէր նահանգի Սուր աւանի նախկին քաղաքապետ Ապտուլլա Տէմիրպաշի կեանքը վտանգուած է: Տէմիրպաշ, որ մեղադրուած եղած է քաղաքական ապօրինի կազմակերպութեան մը անդամակցութեան մեղադրանքով առաջին անգամ ձերբակալուած էր Դեկտեմբեր 2009–ին (անոր դատական գործը յայտնի է KCK-ի գործ անունով): Տէմիրպաշ կը տառապի ծանր հիւանդութիւնէ մը ՝ vein thrombosis: Ան Սուրի քաղաքապետ ընտրուած էր երկու անգամ 2004-ին եւ 2009-ին ստանալով քուէներուն 65 առ հարիւրը: Առողջական ծանր պայմաններու մէջ յայտնուելէ ետք Թուրքիոյ նախկին նախագահ Ապտուլլահ Կիւլ անսալով մարդկային իրաւանց կազմակերպութիւններու կոչերուն յատուկ հրամանով մը ազատ արձակած էր Տէմիրպաշը Մայիս 2010-ին: Թուրքիոյ եւ յատկապէս Տիարպէքիրի մէջ գրանցուած վերջին դէպքերուն նախօրէին Տէմիրպաշ դարձեալ կը ձերբակալուի անցնող Օգոստոսին: Նախկին քաղաքապետը յայտնուած է ծանր իրավիճակի մը մէջ եւ անոր հարազատնրն ու ըներները անոր ազատութեան համար ստորագրահաւաք մը ծաւալած են: Նշենք, որ Տէմիրպաշ անդամ է Քրտական «Խաղաղութիւն եւ ժողովրդավարութիւն» կուսակցութեան (BDP):Նշենք, որ Սուրի մէջ կը գտնուի «Հայկական Թաղամաս» անունով յայտնի փողոցը, ուր կը գտնուին հայկական եկեղեցիներ:
